சாகித்திய அகாதெமி (சென்னை) நிறுவனத்தினர் எழுத்தாளர் மாலன் தொகுப்பில் சாகித்திய அகாதெமி வெளியிட்டிருந்த ‘புவி எங்கும் தமிழ்க் கவிதை’ நூலின் நான்கு பிரதிகளைத் தபால் மூலம் அனுப்பியிருந்தார்கள். அவர்களுக்கு நன்றி. உலகின் பல்வேறு நாடுகளிலிருந்தும் முடிந்தவரையில் கவிதைகளைத் திரட்டித் தொகுத்துள்ளார் மாலன். சிறப்பானதொரு கவிதைத்தொகுதியினைத் தமிழ் இலக்கிய உலகுக்கு வழங்கியுள்ள சாகித்திய அகாதெமியினருக்கும், தொகுத்த எழுத்தாளர்
மாலனுக்கும், தொகுப்பில் இடம் பெற்றுள்ள கவிஞர்களுக்கும் வாழ்த்துகள் .
தொகுப்பில் இடம் பெற்றுள்ள கவிஞர்கள் மற்றும் அவர்கள்தம் கவிதைகள் பற்றிய விபரங்கள் வருமாறு:
அமெரிக்கா:
1. கோகுலக் கண்ணன் – அகராதியில் விழுந்த குழந்தை, ஒளியில் குழந்தை
2. பெருந்தேவி – உடைமை
3. வேதம் புதிது கண்ணன் – வீடுபேறு, மணம்
4. கவிநயா – கைப்பைக் கனவுகள்
ஆஸ்திரேலியா:
1. ஆழியாள் – உப்பு, குமாரத்தி
இங்கிலாந்து:
1. நா.சபேசன் – நான் காத்திருக்கிறேன்
2. தவ சஜிதரன் – படர்க்கை
3. நவஜோதி ஜோகரட்னம் – சதா மெளனம், வயது வந்தாலென்ன
இலங்கை:
1. நுஃமான் – பிணமலைப் பிரசங்கம், துப்பாக்கி பற்றிய கனவு
2. அனார் – இரண்டு பெண்கள்
3. சோலைக்கிளி – எலி
4. தீபச்செல்வன் – ஒரு கொரில்லாவின் இறுதிக் கணம்
5. எம்.ரிஷான் ஷெரீப் – ஆட்டுக்குட்டிகளின் தேவதை
6. அபார் – தாள் கப்பல்
ஐக்கிய அரபு அமீரகம் – அபுதாபி
1. செல்வராஜன் ஜெகதீசன் – சில
2. முபாரக் முகமது – காதற் கடிதம்
ஐக்கிய அரபு அமீரகம் – கத்தார்
1. கென்னடி – மீன்
ஐக்கிய அரபு அமீரகம் – துபை
1. அய்யனார் – சிலிர்ப்பு, முப்பத்தைந்து டிகிரி விடியல்
2. அன்பாதவன் – மாற்றம், அமைப்பு
3. நாகப்பன் – ஆரஞ்சு மிட்டாய்
4. ஜெஸிலா பானு – குறையேதுமில்லை, விடியல்
ஐக்கிய அரபு அமீரகம் – ஷார்ஜா
1. சென்ஷி – இலையுதிர் காட்டு மரங்கள்
கனடா:
1. சேரன் – மழைக் காலமும் கூலிப்பெண்களும், மழைநாள்
2. கீதா சுகுமாரன் – உரையாடல்
3. வ.ந.கிரிதரன் – நவீன விக்கிரமாதித்தனின் காலம்
சவுதி அரேபியா:
1.அபுல் கலாம் ஆஸாத் – இரண்டும்
2. ரசிகவ் ஞானியார் – அப்பா இல்லாத ரம்சான்
சிங்கப்பூர்:
1. க.து.மு.இக்பால் – தண்ணீர்
2. லதா – மேய்ப்பன், மண்டோதரியை எரித்த தீயின் சொச்சம்
3. சித்துராஜ் பொன்ராஜ் – விண்மீன் நகரம்
4. மாதங்கி – விடாத மழை என்றேன்
5.; ஷா நவாஸ் – முகவரி
6. சுபா செந்தில்குமார் – கறுப்பு வெள்ளை
7.இன்பா – ஒரு கணம்
8. சுஜா செல்லப்பன் – துக்கம் புகுந்த வீடு
9. இராம. வயிரவன் -யாரகினும் மனிதன்
10. ஹரிணி – நேரம் எழுதும் சிறுகதைகள்
11. பாரதி மூர்த்தியப்பன் – பாண்டி மகள்
12. அழகுநிலா – எழுத்தாளனோடு சந்திப்பு
சீனம்:
1. ஈஸ்வரி – நீ எங்கே
2. மணிகண்டன் -காத்திருக்கும் கோப்பைகள்
சீனம் – ஹாங்காங்:
1. சித்ரா சிவகுமார் – புரண்டு படுத்த அன்னை
செஷல்ஸ்:
1. ராஜகவி ராகில் -சைக்கிள் என் சகோதரன்
டென்மார்க்:
1. க.ஆதவன் – நினைவு
நார்வே:
1. இளவாலை விஜயேந்திரன் -சொல்லப்படாத ஒரு செய்தி
நெதர்லாந்து:
1. தேவ அபிரா – இரவு வானம்
பப்புவா நியூ கினி:
1. அம்பி – பிடி அரிசி
பிரான்ஸ்:
1. நாகரத்தினம் கிருஷ்ணா – மழையின் கால்கள், மீண்டும் மீளும் அந்தத் தெரு
மலேசியா:
1. கோ.புண்ணியவான் – யாருமற்றவர்களின் மறைவு
2. ந. பச்சை பாலன் – வீடு திரும்புதல்
3. அகிலன் – பெருங்காதல்
4. குழலி – இனியவளின் குறிப்பு
5.. கே.பாலமுருகன் – கடைசிப் பேரூந்து
மியான்மர்:
1. கோ.வேணுகோபாலன் – நான் பிறந்த பொன்னாடு – மியான்மர்
2. இரா. உலகநாதன் – கிழிகின்ற காகிதம் போல்
3. சாந்தி இராசேந்திரன் – என் கவிதை
ஜெர்மனி:
1. காருண்யன் கொன்ஃபூஸியஸ் – வாழாத காலங்கள்
2. மாலினி – என்னை மொழிபெயர்த்தல்
**************************************
இத்தொகுப்பில் இடம் பெற்றுள்ள எனது கவிதை கீழே:
கவிதை: நவீன விக்கிரமாதித்தனின் ‘காலம்’!
– வ.ந.கிரிதரன் –
உள்ளிருந்து எள்ளி நகைத்தது யார்?
ஒவ்வொரு முறையும் இவ்விதம்
நகைப்பதே உன் தொழிலாயிற்று
விரிவொளியில் படர்ந்து கிடக்குமுன்
நகைப்போ, நீ விளைவிக்கும் கோலங்களோ,
அல்லது உன் தந்திரம் மிக்க
கதையளப்போ எனக்கொன்றும் புதியதல்லவே.
இரவு வானின் அடுக்குகளில்
உனது சாகசம் மிக்க
நகைப்பினை உற்றுப் பார்த்திடும்
ஒவ்வொரு இரவிலும்,
நட்சத்திர சுடர்களில்,
அவற்றின் வலிமையில்
உன்னை உணர்கிறேன்.
எப்பொழுதுமே இறுதி வெற்றி
உனக்குத்தான்.
எப்பொழுதுமே உன் காட்டில்
மழைதான். அதற்காக
மனந்தளர்வதென் பண்பல்ல. ஆயின்
உன்னை வெற்றி கொள்ளுதலுமென்
பேரவாவன்று பின்
உனைப் புரிதல்தான்.
ஓரெல்லையினை
ஒளிச்சுடருனக்குத்
தந்து விடும் பொருளறிந்த
எனக்கு
அவ்வெல்லையினை மீறிடும்
ஆற்றலும், பக்குவம்
உண்டு; புரியுமா?
வெளியும், கதியும், ஈர்ப்பும்
உன்னை, உன் இருப்பினை
நிர்ணயித்து விடுகையில்
சுயாதீனத்துடன்
பீற்றித் திரிவதாக உணரும்
உன் சுயாதீனமற்ற
இறுமாப்புக்கு
அர்த்தமேதுமுண்டா?
இடம், வலம், மேல், கீழ்
இருதிசை, நோக்கு கொண்ட
பரிமாணங்களில் இதுவரையில்
நீ
ஒரு திசையினைத் தானே காட்டி
புதிருடன் விளங்குகின்றாய்?
உன் புதிரவிழ்த்துன்
மறுபக்கத்தைக் காட்டுதலெப்போ?
இரவி, இச் சுடர் இவையெல்லாம்
ஓய்வாயிருத்தலுண்டோ?
பின்
நான் மட்டுமேன்?
நீ எத்தனை முறைதான்
உள்ளிருந்து
எள்ளி
நகைத்தாலும்
மீண்டும் மீண்டும்
முயன்று கொண்டேயிருப்பேன்.
நீ போடும் புதிர்களுக்கு
விளக்கம்
காணுதற்கு
முயன்று கொண்டேயிருப்பேன்.
வேதாளங்களின் உள்ளிருந்து
எள்ளி நகைத்தல் கண்டும்
முயற்சியில்
முற்றுந் தளராதவன் விக்கிரமாதித்தன்
மட்டும்தானா?