மனக்குறள் -19 தெய்வத் தமிழ்மொழி
தமிழா உலகந் தனையே வரித்த
அமிழ்தின் மொழியாய் அறிக!
பேசும் மொழியே பெரிதாம் புரிதமிழ்
தேசம் வழங்கும் துணை!
மக்கள் மொழியே வணங்கல் மொழியாமே
புத்திக் கிதுவே புகல்!
வணங்கும் மறைமொழி மண்ணின் அறிவாய்
இணங்கும் இறைமொழி என்ப!
செய்யுள் இலங்கும் சிவனார் மொழியைப்
பொய்யில் அமிழ்த்தால் பிசகு!
முதன்மொழி மூத்த முகையெனப் பூமிப்
பதமொழி சொல்வர் பகர்!
எதுசொல நின்றும் புரிதலே காணாய்
விதிமொழி என்றே விளம்பு !
தெரியா மொழியினைத் தெய்வம் துதிக்கும்
சரிமொழி என்பதா சாற்று?
பிள்ளை அகவல் பெருமானார் வாசகம்
வள்ளலா ருந்தமிழ் வான்!
திருக்குறள், காப்பியம் தேவாரம் ஆழ்வார்ப்
பிரபந்தங் கூறும் தமிழ்
இந்த வாடகை அறைக்கு வந்து இன்றுடன் ஒரு வருடமாகிவிட்டது.
எனை ஈன்ற மாதாவே….!
