)
)
கனடாத் தமிழ் இலக்கியத்திற்கு வளம் சேர்த்த சஞ்சிகைகளில் ‘ழகரம்’ சஞ்சிகைக்கும் முக்கியமானதோரிடமுண்டு. ஆனி 1997, ஆடி 1997, ஆவணி/புரட்டாதி 1997 & ஐப்பசி 1997 என நான்கு இதழ்களே வெளிவந்துள்ள போதிலும், தவிர்க்க முடியாத சஞ்சிகை. ‘ழகரம்’ சஞ்சிகையினை எழுத்தாளர் அ.கந்தசாமி அவர்களே வெளியிட்டு வந்ததாக நான் கருதுகின்றேன். எழுத்தாளர் அ.கந்தசாமி எழுபதுகளில் யாழ் நகரில் புகழ்பெற்ற பெளதிக ஆசிரியராக விளங்கியவர். கனடா வந்த பிறகுதான் இவரது இலக்கியப் பங்களிப்பு பற்றி அறிந்து கொண்டேன். ‘ழகரம்’ சஞ்சிகை 4 இதழ்களே வெளிவந்தாலும், கனடாத்தமிழ் இலக்கியத்திற்கு வளம் சேர்த்த சஞ்சிகைகளிலொன்று. கவிதைகள், தொடர்கதைகள் கனடாவில் வெளிவந்த சஞ்சிகைகள், பத்திரிகைகளில் தொண்ணூறுகளில் எழுதியிருக்கின்றார். இந்தப்பதிவின் நோக்கம் கனடாத் தமிழ் இலக்கியத்துக்குப் பங்களிப்பு செய்த பத்திரிகைகள், சஞ்சிகைகளை பற்றிய விபரங்களை ஆவணப்படுத்துவதுதான். குழு மனப்பான்மையுடன் பலர் செயற்படுவதால், பலரது ஆக்கபூர்வமான பங்களிப்புகள் பற்றிய விபரங்களும் மறைக்கப்பட்டு விடுகின்றன. இவ்விதமான சஞ்சிகைகள், பத்திரிகைகள் பலவற்றில் எழுதியவர்களே மேற்படி சஞ்சிகைகள், பத்திரிகைகள் பற்றி எழுதுதில்லை; பேசுவதில்லை. இந்நிலை ஆரோக்கியமானதொன்றல்ல.
)
)
